Versuikerde Meringue-Neute Resep

Genoegvir 500g

BESTANDDELE:

• 2 eierwitte
• 200g (250ml) strooisuiker
• 100g (120ml) bruinsuiker
• 10ml kaneel
• 10ml Chinese 5-spesery-mengsel (5 spices)
• 100g Capedry Amandels Gerooster & Gesout
• 200g Capedry Pekanneute
• 100g Capedry Okkerneute

INSTRUKSIES:

1. Verhit oond tot 180 °C.
2. Klits eierwitte tot sagte punte vorm en gooi strooisuiker geleidelik by. Hou aan klits tot blink en styf.
3. Plaas res van die bestanddele in ‘n grootbak en meng.
4. Skep meringue by en meng deur – jy hoef nie versigtig te werk nie, want jy wil net die neute met die meringue bedek.
5. Keer mengsel uit op bakplaat wat met bakpapier uitgevoer en goed met kleefwerende kossproei gespuit is. Smeergelyk en bak vir 20 minute of tot goudbruin en bros.
6. Laat afkoel en breek mengsel in growwestukke tot neute los kom. Sit voor as peuselhappie.

BRON: SARIE TYDSKRIF